- ट्रेण्डिङ:
खोटाङ । खोटाङको दिक्तेल रुपाकोट मझुवागढी नगरपालिका–६ नेर्पा घर भई हाल यूकेमा रहेका बाबुछोराले दम र मुटुको रोगबाट पीडित बिरामीलाई आर्थिक सहयोग गरेका छन् ।
हाल यूकेमा रहेका बुवा ध्यानवहादुर राई र उनका छोरा खगेन्द्र राईले दम तथा मुटु रोगी नेर्पाकै स्थानीय टिकाराम रिजाललाई आर्थिक सहयोग गरेका हुन् । बाबुछोराले गत सोमबारदेखि टिचिङ अस्पतालमा भर्ना भएर उपचार गराइरहेका रिजाललाई उपचार खर्च स्वरुप ३२ हजार ४ सय रुपैयाँ सहयोग गरेका हुन् ।
सहयोग रकम खगेन्द्रकी श्रीमती कल्पना राईले बिरामीका छोरी रिता रिजाललाई हस्तान्तरण गरेकी छन् । जिल्ला अस्पताल खोटाङमा उपचार हुन नसकेपछि रिजाललाई टिचिङ अस्पताल पु¥याइएको हो ।
