- ट्रेण्डिङ:
खोटाङ । ‘किरात राई संघर्षशील पत्रकारिता पुरस्कार’ कान्तिपुरका ओखलढुंगा संवाददाता कुम्भराज राई र उदयपुरमा क्रियाशील गजेन्द्र राईलाई प्रदान गरिएको छ ।
किरात राई पत्रकार संघको १६औं स्थापना दिवसको अवसरमा आइतबार काठमाडौंमा आयोजित सम्मान तथा शुभकामना कार्यक्रममा उक्त पुरस्कार प्रदान गरिएको हो ।
किरात राई यायोक्खाका केन्द्रीय अध्यक्ष जीवन हाताचो राई, नेपाल आदिवासी जनजाति पत्रकार महासंघका अध्यक्ष गजुरधन राई, संघका अध्यक्ष अवतार राईले उक्त पुरस्कार प्रदान गरेका हुन् । पुरस्कारको राशि जनही १० हजार रुपैयाँ छ ।
