- ट्रेण्डिङ:
खोटाङ । आज साउन महिनाको दोस्रो सोमबार, त्रिधार्मिक स्थल हलेसी मन्दिरमा बिहानैदेखि फुलपाती तथा जल चढाउन आउने दर्शनार्थीको भीड लागेको छ ।
साउन महिनाका प्रत्येक सोमबार व्रत बस्ने र शिव मन्दिरहरुमा दूध र जल चढाई पूजा गर्ने प्रचलन छ ।
यसरी पूजा गरेमा मनोकांक्षा पूरा हुने धार्मिक विश्वास छ । साउने सोमबारलाई अत्यन्त शुभ मानिन्छ । यस वर्षको साउन महिनामा चार सोमबार परेका छन् ।
हरेक सोमबारमा व्रत बसेर महिला र पुरुषहरुले शिवको भक्तिपूर्वक पूजा गर्छन् ।
हरियो, पहेंलो र रातो पहिरनमा सजिएका व्रतालुको घुइँचो खोटाङको हलेसी महादेव, काठमाडौंको पशुपति, भक्तपुरको डोलेश्वर, ललितपुरको कुम्भेश्वर, चितवनको देवघाट लगायतका स्थानमा देख्न सकिन्छ ।
गेरुवस्त्रधारी बोलबम यात्रीहरुको पनि शिवालयहरुमा उल्लेख्य संख्या हुन्छ । बोलबम यात्रीहरुले विभिन्न ठउँहरूबाट पैदल हिंडेर शुद्ध जल ल्याई हलेसी महदेवलाई चढाउने गर्दछन् ।
