- ट्रेण्डिङ:
खोटाङ । खोटाङको दिक्तेल रुपाकोट मझुवागढी नगरपालिका वडा नम्बर ३ बाम्राङले कृषकहरूलाई विभिन्न जातका फलफूलका बिरुवा वितरण गरेको छ ।
आर्थिक वर्ष २०८१/०८२ को वार्षिक कार्यक्रमनुसार वडा कार्यालयले विनियोजन गरेको दुई लाख बजेटबाट खरिद गरेर ल्याइएका फलफूलका विरुवा वडा कार्यालयले बुधबार साविकको वडा नम्बर ३ र ४ का कृषकहरूलाई वितरण गरेको हो ।
फलफूल खेतीबाट कृषकलाई व्यावसायिक बनाउन र आर्थिक स्वरोजगार बनाउने उद्देश्यले कागती चार सय ५०, सुन्तला चार सय ५० र लिचीका दुई सय ४० वटा बिरुवा वितरण गरिएको कार्यपालिका सदस्य मिना कार्कीले जानकारी दिईन ।
कृषकहरुलाई वडाध्यक्ष महेन्द्रबहादुर राई, कार्यपालिका सदस्य कार्की, वडा सदस्य खड्ग बहादुर राई, प्राविधिक निलम जोशी लगायतले फलफूलका बिरुवा वितरण गरेका थिए ।
