- ट्रेण्डिङ:
खोटाङ । खोटाङको साकेला गाउँपालिका-२ रतन्छामा आयोजित खुल्ला ब्याडमिन्टन प्रतियोगिता अन्तर्गत खुल्ला डबलमा दिक्तेलका योजन दाहाल र पुजन आचार्यको जोडी प्रथम भएको छ ।
साकेला ब्याडिमनटन संघ रतन्छा खोटाङद्वारा आयोजना गरिएको प्रतियोगितामा सोल्माका पवन राई र प्रकाश राईको जोडीलाई हराउँदै दाहाल र आचार्यको जोडी प्रथम भएको हो ।
खुला डबलतर्फ प्रथम हुने जोडीलाई २० हजार, द्वितीयलाई १५ हजार र सेमिफाइनलिस्टलाई ५/५ हजार रुपैयाँका साथमा मेडल तथा प्रमाणपत्र प्रदान गरिएको साकेला ब्याडिमनटन संघ रतन्छा अध्यक्ष हरिकुमार राईले जानकारी दिए।
बिजेता खेलाडीहरुलाई गाउँपालिका अध्यक्ष रविप्रकाश राईले पुरस्कार तथा प्रमाणपत्र प्रदान गरेका थिए ।
