- ट्रेण्डिङ:
खोटाङ । खोटाङमा एकैदिन थप १२ जनामा कोरोना भाइरस (कोभिड–१९)को संक्रमण पुष्टि भएको छ । प्रदेश १ प्रादेशिक जनस्वास्थ्य प्रयोगशालामा पिसिआर परीक्षण गर्दा आज १२ जनामा कोरोना संक्रमण देखिएको हो ।
जिल्ला अस्पतालका अनुसार ६१, ५६, ४२, ३२, ३२ वर्षका पुरुष तथा ५४, ४७, ३४, ३२, ३०, २५ र १५ वर्षका महिलामा कोरोना देखिएको हो ।
गत कार्तिक १४ गते पनि एकैदिन १२ जनामा कोरोना संक्रमण देखिएपछि संक्रमितहरुको कन्ट्रयाक ट्रेसिङमा परेकाहरुको कार्तिक १७ गते १४७ जनाको स्वाव संकलन गरिएको थियो ।
१४७ जना मध्ये कार्तिक २१ गते ३१ जनाको पिसिआर परीक्षण गर्दा एक जना र २२ गते ११६ जनाको पिसिआर परीक्षण गर्दा १२ जनामा कोरोना पुष्टि भएको हो ।
यो सँगै जिल्लामा कोरोना संक्रमतिको संख्या ६६ पुगेको छ । हालसम्म ३२ जनाले कोरोना जितेर घर फर्किसकेका छन् । ३४ जना उपचाररत रहेका छन् । पछिल्लो समय दिक्तेलमा कोरोना संक्रमण समुदायस्तरमा फैलिदै गएको छ ।
