- ट्रेण्डिङ:
खोटाङ । पानी सङ्गै परेको चट्याङले हान्दा खोटाङमा दुई घर पूर्णरुपमा जलेर नष्ट भएका छन् । बुधबार साँझ असिनापानी सँगै चट्याङले हानेर रावाबेंशी गाउँपालिका वडा नम्बर–६ हौंचुर भैसेका ज्ञानबहादुर खड्का र साकेला गाउँपालिका वडा नम्बर–३ खिदिमाका सार्कीमान तामाङको घर पूर्णरुपमा जलेको जिल्ला प्रहरी कार्यालय खोटाङका प्रहरी निरीक्षक अम्मर प्रसाद गजमेरले जानकारी दिए ।
आगोलागी हुँदा खड्काको घरमा भएका अन्नपात, लत्ताकपडा, सुन ५ तोला, चादी ३० तोला, नगद ५० हजार गरि अनुमानित पन्ध्र लाख २६ हजार बराबरको क्षति भएको प्रहरीले जनाएकोे छ ।
यस्तै, चटयाङले हानेर साकेला गाउँपालिका वडा नम्बर–३ खिदिमा सौर्यका तामाङको एक तले फुसको छाना भएको घर पूर्णरुपमा जलेर नष्ट भएको हो । तामाङको घरमा भएका लत्ताकपडा, अन्नपात, जल्दा एक लाख पचास हजार बराबरको क्षति भएको गजमेरले बताए । चटयाङले मानवीय क्षती भने दुवै स्थानमा नगरेको प्रहरीकोे भनाइछ ।
