- ट्रेण्डिङ:
खोटाङ । खोटाङको खोटेहाङ गाउँपालिकाले कोभिड–१९ को बारेमा मावि स्तरीय निवन्ध लेखन तथा चित्रकला प्रतियोगीता गरेको छ । वालदिवसको अवशरमा गाउँपालिकाले सोमबार कोभिड–१९ का विषयमा मावि स्तरीय निवन्ध लेखन तथा आधारभुत विद्यालय स्तरिय चित्रकला प्रतियोगीता आयोजना गरेको हो ।
‘कोभिड–१९ को सन्दर्भमा बैकल्पिक शिक्षाको आवश्यकता र महत्व’ विषयक निवन्ध लेखन प्रतियोगीतामा भगवती दिनानाथ मावि खोटाङबजारका कक्षा १० का छात्र सविन गेलाल प्रथम भएका छन् । यस्तै, सिमपानी मावि सिमपानीका छात्रा सिर्जना राई दोश्रो र कृष्ण मावि बर्रे सिमपानीका निश्चल परियार तेश्रो भएका छन् ।
‘कोभिड–१९ को रोकथाम तथा नियन्त्रण’ शीर्षकमा गरिएको चित्रकला प्रतियोगीतामा भाषा आधारभुत विद्यालय बड्कादियालेका छात्र दिनाश तामाङ प्रथम, भानु आधारभुत विद्यालय लिच्कीराम्चेका छात्र एकराज राई दोश्रो र सावाकाली मावि सावाकटहरेका छात्र पुष्पन राई तेश्रो भएका छन् ।
निवन्ध तथा चित्रकला प्रतियोगीताका विजेतालाई क्रमशः ५ हजार, ३ हजार र २ हजारका साथमा प्रमाण–पत्र प्रदान गरिएको छ । विजेता छात्र/छात्रालाई खोटेहाङ गाउँपालिकाका अध्यक्ष प्रदीप राई र उपाध्यक्ष कविता राईले पुरस्कार हस्तान्तरण गरेका थिए । चित्रकला प्रतियोगीतामा कक्षा ६ देखि कक्षा ८ सम्मका छात्र÷छात्रा सहभागी थिए ।
