- ट्रेण्डिङ:
खोटाङ । खोटाङको दिप्रुङ चुइचुम्मा गाउँपालिकाले गाउँपालिका प्रहरी भर्ना गर्ने भएको छ । गाउँपालिकाको शान्ति–सुरक्षा र दैनिक कार्य सम्पादनका क्रममा सहयोगीका रुपमा उपयोग गर्ने गरी गाउँपालिकाले आफ्नै प्रहरीको भर्ना तयारी गरेको हो ।
७ वटा वडा रहेको गाउँपालिकाले गाउँपालिका प्रहरी ऐन पास गरेर १ जना गाउँपालिका प्रहरी हवल्दार, ४ जना गाउँपालिका प्रहरी जवान भर्नाको तयारी गरिएको गाउँपालिका अध्यक्ष भुपेन्द्र राईले बताए । गाउँपालिकाले प्रहरी भर्नाका लागि बिहीवार विज्ञापन समेत आव्हान गरि सकिएको अध्यक्ष राईले बताए ।
गाउँपालिका प्रहरी हवल्दारका लागि एसईई वा सो सरह उत्तीर्ण गरेको तथा जवानका लागि कक्षा ८ वा सो सरह उत्तीर्ण गरेको हुनुपर्ने जनाइएको छ ।
यता, दिक्तेल रुपाकोट मझुवागढी नगरपालिकाले आगामी तिहारपछि नगर प्रहरी भर्नाका लागि विज्ञापन आह्वान लगायतका प्रक्रिया सुरु गर्ने योजना रहेको नगरप्रमुख दीपनारायण रिजालले जानकारी दिए ।
दुई नगरपालिका र आठ गाउँपालिकामध्ये ऐसेलुखर्क गाउँपालिकाले यसअघि ३ जना आफ्नै गाउँपालिका प्रहरी भर्ना गरिसकेको छ ।
